Kulturartekotasunaren aldeko Gazteen Parte-hartzea

Ignacio Ellacuria Gizarte Fundazioaren Kulturartekotasunaren aldeko Gazteen Parte-hartzea Sustatzeko Programatik 18 eta 23 urte tarteko etorkin gazteekin batera lan egiten dugu, bi esku-hartze ildo hauen inguruan:

• Emantzipazioa: Hemen Partzuergoan dugun parte-hartze instituzionalaren bitartez eta CEAR, Izangai Elkartea, Harribide Fundazioa, Adsis Fundazioa, Peñascal Fundazioa eta Caritasekin sarean lan eginez. Aparteko kalteberatasun-egoeran dauden lagundu gabeko gazte atzerritarrei gizarteratze-ibilbideak eskaintzen zaizkie, gazte-bazterkeriatik babesteko asmoz.

• Parte-hartzea: Aisia eta Astialdia, Sentsibilizazioa/Hausnarketa/Eragina eta Boluntariotza arloetako esperientzia-proposamenetik abiatuta. Partaidetza/elkartegintza arloko prozesuetan kanpoko eta bertako gazteen arteko harremana lortu nahi da, herritartasun aktiboa eta kulturartekotasuna indartzeko asmoz. Elkarren artean, herritartasun-agenda partekatu eta barneratzailea zehaztu eta ekintza publikoak diseinatuko dituzte. Proiektu honen bidez, herritartasunaren nortasun amankomuna eraiki, gazteen arteko lidergoak sustatu, gazteak herritar aktibotzat ahaldundu eta eragin-proposamen zehatzak sortu nahi dira.